Jowai: U slap wa joor ha kini ki sngi wa dadep wei khamtam uwa da hiar ynnin da wanrah u yei dooh wa khroo ya kiwa boon tangwa iwa dooh wa khroo dooh toh yong ka skur Rud Myntdu LP School wa em ha Caroline Colony.
Kani ka skur da piah da pra ko hadien wa da oor i khyndaw nadien kani ka skur iwa da tyrrah wei da tympiah tympra phrai ya ka.
I khyndaw da tyrrah i ya i yung chetja wa ki kamra pynman Class heiwa kini ki kamra da dap ki dei khyndaw wei ki chram, ki dwar wa ki khian-dwar da piah ki phrai.
Kani ka skur toh kawa da sdang nadooh u 2005 wei em ko nadooh Class A-Khian hadooh Class V wei em ko 30 ngut ki khynnah katni wei 2 ngut kiwa sikai.
Hawa yaklam wa ka Middle Pakyntein kawa man ka Head Teacher kani ka skur da ong ko wa ini i oor i khyndaw daw ktah bha i yei puræ ki khynnah wei kattu emkaam wow pyrkhat kammon u leh manda sdang wai biang ki skur hadien ka Lockdown.
Da pyntip ko leh wa hadien wa jia ini da wan ki cha kani ka thaw heiwa da sakhi wa ki kot ki sla da em ki cha madan neidaw wa kit i khyndaw wei kamjooh leh ki kchu chet leh da sih ki, da pynrap ko leh wa katwa ye wow sai ya ki kot ki khynnah kam ki file da sai na ki duli.
Kawi na ki manbei kawa pynlai skur khon heini da kyntu joor ko ya ka sorkar wow chimkhia yeini khnang wow lait u sepai i puræ ki khynnah khamtam wa la chiteiñ snem wa da man skur.
Discussion about this post