Shillong: Hadien wa ka sorkar India da pynyinsur ko ya i khang chnong ha ka ri waroh kawi, ynne ka sngi neiliang ka sorkar Meghalaya leh da sdang ko wow pynyinsur chooh chooh ko yaki jaitkaam ha ka jylla, khamtam ha nongbah Shillong deiwa e laad chooh chooh ya ki dukan wow wai.
U Symbood Montri Rangbah ka jylla, u Prestone Tynsong da ong u wa ka sorkar da rai ko ynne ka sngi wow elaad chooh chooh ya ki dukan wow wai ha sor Shillong, wei yaki rukom wow pait ya ki dukan da ekti hei stat yong ka Deputy Commissioner ka East Khasi Hills District.
Da ong chooh chooh wa ki dukan wa ka sorkar dang pteiñ ko wow khang kynthup ki yaki thaw ah sñiooh chynrang wa kynthai (Beauty Parlour) hadooh wa pynbna da kamwi.
Ha iwi i liang u Symbood Montri Rangbah da pyntip u wa kiwa khayi ha Ïewduh da kyntu ki yaka sorkar wow elaad noh wow sdang ya i krehkaam yong ki, tangwa da pyntip u wa neiliang ka sorkar da klam che ko wow pteiñ u khang yaka Ïewduh toh hadien wa da yasyllok wa ki kynhun wa toh u pait yaka yaw, kiwa da e yumut wa dang emkaam wow khang yaka Ïewduh sa kattu katni por.
Hawa yatoh i pynbna yong ka Ministry of Home Affairs ka sorkar India, wa ye u wai noh ya ki thaw mane Blai nadooh ka 8 tarik uni u bnai, u Prestone da ong u wa ka sorkar jylla daw bichaar biang ko ya ini i pynbna ka MHA ha kani ka tayaw.
Discussion about this post