Shillong: Ka Bharatiya Janata Party (BJP) Meghalaya Unit ynne ka sngi da yaroh ko yaki kaam yong ka sorkar National Democratic Alliance (NDA) hapoh i yahkhmat ka BJP kiwa da leh ko ha kini ki chi snem wa da dep hadien wa poi biang ko hei bor.
Hawa klam ynne ka sngi sngi, uwa yahkhmat ka BJP ha ka jylla uwa man leh u montri sorkar wa pait yaka chait ka khiah, u Alexander Laloo Hek da ong u wa ha i lai luti wa ar sien ka sorkar NDA, da leh ko chiboon ki kaam ha ka chi snem wa da dep, deiwa yaroh leh yaki luti wa da lai kam yei ye u pyndam yaka Article 370 khlem i joo umsnam, i ye wow pynbait yaka Ram Mandir deiwa pynhun lang ya waroh ki jait niam, wei wow thung leh ya u heh chipai ha ka kyrdan Chief of Defence Staff neibynta i bha i biang ki bor chipai.
U Hek da ong u leh wa haka chi snem ka sorkar NDA hapoh i yahkhmat ka BJP da nang pynkhlan chooh chooh i yarap cha ki warep, ki manbei, deiwa pynlait T.72 hajar klur neibynta ki warep ha ka ri India waroh kawi wei da wanrah leh ia ka Jal Jivan Mission kawa toh ka Scheme saam um neibynta ki manyung wa cha nongkyndong.
Chooh chooh da ong wa ka sorkar NDA da pynmih ko leh yaka Scheme wow e bai baam cha kiwa mylla ki wym yoh yei tipmit kiwa em palat 60 snem i rta, deiwa e yarap poisa wa man T. 3000 chi bnai.
Ha i jooh i por uwa yahkhmat ka BJP ha Meghalaya da yaroh u leh yaki kaam ka sorkar pyrdi hawa yatoh wa i bynta wow yakhun pyrchah ya ka khlam COVID-19 wow yada ya kiwa chong chnong wei da yoh leh yei ya krehlang na ki sorkar jylla.
Discussion about this post