U MLA ka Jowai ynne ka sngi da yachem u ya u montri ka chnat rep ka sorkar jylla, u Banteidor Lyngdoh wow kyntu ya oo wow e yarap smat cha ki warep ka West Jaiñtia Hills.
U Wailadmiki da e u ya ka dorkhat cha u montri wow pyntip wa ha kani ka tayaw wa dadep da em u slap wa joor chirrup waka la-ær kiwa da ktah joor ya ki yung ki sem, i luti syngkieñ wei khamtam ki hali iwa da wanrah yei doohnong wa khroo ya ki warep.
Neiliang u Wailadmiki da kyntu u ya u montri wow e yarap katwa ye cha ki warep khamtam i sboh wa ki symbe neibhah iwa boon ki sboh wa ki symbe da boon wa da rong ka um.
Da ong u wa i doohnong ya ki warep da man i iwa khroo neibhah da haap sdang biang ki nawa sdang wei deiwa pynsmat u e yarap ya ki deiwa pynduna ya i dor ki symbe wa ki sboh wei ini daw yarap i chiboon ya ki.
Neiliang Banteidor leh da kular u wow pynsmat u e yarap wei wow leh yeiwa emkaam.
Discussion about this post