Ka Ministry of Health and Family Affair ka sorkar India da pyntip ko wa ha kini ki 24 kynta itæ hadooh 8 waje i step ka 2 tarik, kiwa chah ktah ha u COVID-19 da em ki 8,171 ngut.
Na kini ki 8,171 ngut 4,259 ngut toh kiwa dang yoh COVID-19 wei kiwa da chait da em ki 3,708 ngut iwa da boon biang da kiwa dang yoh bar ya kiwa da chait. Kiwa yap da em ki 204 ngut.
Waroh kiwa da chait da em ki 95,527 ngut iwa da poi 48.07%. Kiwa yap leh da hiar cha ka 2.82% na kini ki bani wa dep heiwa ha u April da em ki 3.30% kiwa da em waroh 5,598 ngut. Kiwa dang em ya u COVID-19 da em ki 97,581 ngut wei wa kini waroh da poi ki 198,706 ngut kiwa chah ktah.
Ka Maharashtra dang pteiñ hi ko wow man ka jylla wa chah ktah dooh heiwa du haka da em 70,013 ngut iwa man 35.2% ka ri waroh kawi. Na ki 70,013 ngut, kiwa chait da em ki 30,108 ngut katwa kiwa yap da em 2362 ngut.
Ka jylla wa em hei wa ar wa chah ktah dooh hapoh ka ri toh ka Tamil Nadu kawa em 23,495 ngut kiwa chah ktah.
Discussion about this post