Ha jylla Nagaland ynne ka sngi da pynbna wa da em 13 ngut kiwa dang yoh thymme ya u COVID-19 iwa da pynpoi ya waroh kiwa yoh cha 107 ngut.
Na kini ki 107 ngut, ynne da em 8 ngut kiwa da chait hadien wa yoh yei sumaar haki COVID-19 Hospital.
Neiliang u Prinicipal Secretary da Home Department ka Nagaland da pyntip u wa hadooh ynne da dep Test 3,959 tylli ki Sample wei da yoh yaka Result ki 2,619 ngut heiwa da chem wa 107 ngut toh kiwa yoh ya u COVID-19 wei dang yang yaka Result ki 1,340 ngut. Lyngba ka Truenat Testing Machine da chem wa da em 102 Sample kiwa man Negative.
Kiwa leh Qurantine da em ki 4,983 ngut.
Chooh chooh da pyntip u wa ka Special Train wa mih na Bengaluru haka 2 tarik uni u bnai kawa kit lang ya kiwa na Nagaland da poi ko ha Dimapur ynnin ka sngi deiwa emlang 1,499 ngut. Na Himachal Pradesh da em 41 ngut kiwa liwan da artylli ki Bus kiwa da poi chapoh ka jylla ynne ka sngi. Da em leh 88 ngut kiwa liwan da le tylli ki Bus na Chandigarh, 165 ngut won da ki 6 tylli ki Bus na Uttar Pradesh da poi ki hapoh ka jylla ynne i janmiet.
Da pyntip u leh waka yarap poisa wa chisien e T.10,000 cha kiwa sahkut cha baar jylla wa kitu kiwa rai wym liwan da su cha 14,943 ngut iwa da poi T. 14.94 klur.
