Neiliang u montri rangbah ka jylla u Conrad Sangma wa u symbood montri rangbah u Prestone Tynsong da pyntip ki wa da dep phah Test 10,343 tylli ki Sample heiwa na kini 9980 tylli da chem wa ym toh kiwa em ya u COVID-19 wei kiwa em COVID-19 won da em ki 33 ngut heiwa 13 ngut toh kiwa da chait, uwi wa yap wa 19 ngut kiwa dang em ya u COVID-19. Dang yang won yaka Result ki 330 ngut.
Kiwa psiah chapoh ka jylla Meghalaya kiwa da booddien deiwa leh yaka IVRS (Interactive Voice Response System) hadooh ka 5 tarik uni u bnai da em ki 5365 ngut.
Kiwa dang em hapoh ki Institutional Quarantine da em ki 741 ngut.
I booddien won ya kitu kiwa yachem wa kiwa yoh COVID-19 da em ki 137 kiwa haap hapoh ka High Risk katwa 87 ngut won toh ki Low Risk.
Da pyntip leh wa yaki tiar yada kam ki PPE da em 2,09,216 tylli, ki 3 Ply Mask da em 6,30,000 tylli katwa ki N95 Mask da em 2,06,086 tylli.
Hadooh 2 waje ynne ka 6 tarik da em 13,509 ngut kiwa da liwan biang chapoh ka jylla Meghalaya.
Ya kitu kiwa liwan daki kari wa pynbiang daka sorkar da booh yaki hapoh ki Quarantine Facility hadooh wa yoh yaka Test Result yong ki. Wei lada chem wa ym em chah ktah ki, da phah leh yaka Home Quarantine wa 14 sngi.
Ya kini da lai pait yaki ha yung wa em ki wa ini waroh da dep leh hadooh 26,619 sien hadooh ka 6 tarik uni u bnai da ki wakreh ka chnat i chait i khiah.