Shillong: Hanla ka jylla Meghalaya da ku kiwa yoh ya u khñiang COVID-19, tangwa neiliang ka sorkar jylla da klam che ko wa i pynduna yei pynrkhiñ ya i khang chnong u lai bait, deiwa bood yaki kyndon wa da pynmih na i por cha i por da ka chnat i chait i khiah.
U Prestone Tynsong, uwa man u Symbood Montri Rangbah ka jylla da ong u wa i khang smam haka jylla dang lai bait i tangwa i pynduna yei pynrkhiñ leh u lai bait i deilang waki kyndon wa da booh.
Da ong u wa ka sorkar ym ye ko wow khang biang sbak waroh neibhah daw ktah ko ya kiwa boon kiwa chong chnong ha ka jylla, wei ka sorkar ym ye ko wow lai lait ya i hok næ i laitlooid ki paidbah wow kamai ja-kpoh. Da ong u wa ki 3 bnai wa da dep man ki kam wow sikai ya ki paidbah wow man kiwa syndong wei kiwa kitkhlieh pyn yaki hi.
Da ong chooh u wow khang biang ya waroh ym man ko, wei da yoo leh wa ha kini ki sngi ki paidbah da e ki yei ya krehlang waka sorkar, heiwa da pynsñiaw u leh ya i kyrmen wow man kiwa sñiawthooh yaki kamram wow sumaar pyn ya idæ.
