Jowai: Ynne ka sngi, u MDC ka Shangpung, u J. Treilang Suchiang da psiah noh u cha ka NPP ha ka yalang wa tbian wa pynman ha yung krehkaam ka Party ha Newhill, Jowai.
Ha ka yalang da emlang u General Secretary ka NPP West Jaiñtia Hills, u Donboklang Kharjana, u State General Secretary u Barphi Toi wa u Block President NPP 3-Raliang Block u Heingaitmon Suchiang.
Ya kiwa kyrchaan namo kiwa bood uni u MDC daw pdiang won ya ki rap hadien neidaw wa em ka khlam u COVID-19.
Neiliang u Donboklang da ong u wa i psiah u J. Treilang waroh ki MDC NPP ha JHADC da em ki 18 ngut, kamtæ deini dang pynkhlan chooh chooh ka EC u Thombor Shiwat hapoh ka Council.
