Ynne ka sngi ki hadien i mih paidbah wow yarap pynkhooid wei wow chna yei yung dara ha i thaw wa em ar tylli ki yung kiwa da chah baam ha i diñ ha Tuber Kmaichnong ynnin ka sngi, ynne da pteiñ chooh chooh i yoh yarap kini ki manyung.
Ynne ka sngi kini ki manyung da yoh yarap chooh chooh ki na ka Dorbar Chnong Tuber Wah Chong Cultural Club, ka Kyntu Lang & Social Sport Club, ka Seiñ Manbei Wah Chnong Cultural Club, ka VDP Tuber Kmaichnong wa naka Seiñraij ka Chnong Tuber Kmaichnong.
Heijooh i por da yoh yarap ki leh na u Waheh Chnong warim ka Tuber Kmaichnong, u Graham Lyngdoh uwa da e leh ki kyntien e mynsien ya ki tre yung kiwa da chah ktah heini i jia.
Kam wow pynkynmoo heini kini ki yung wa da chah baam lut ha i diñ toh da jia i ynnin i step ha Moowatam, Tuber Kmaichnong.
I e yarap wa da yoh ki toh ka poisa khnang wow ye ki wow thied tiar yung wei wow pyndap leh yei emkaam yong ki iwa man ka sngi.
