Shillong: U Montri ka chnat i chait i khiah ha ka jylla, u Alexander L Hek ynne ka sngi da pyntip u waka sorkar da phah noh ko wow khang chipor yaka State Bank of India (SBI) Khanapara Branch hadien wa uwi u wakreh ka Bank uwa napoh ka jylla Assam da chem wa yoh u ya u khñiang COVID-19.
U Hek da pyntip u wa uni uwa yoh COVID-19 toh uwa naka jylla Assam, tangwa da kreh u ha katai ka Bank kawa haap hapoh u pood u ang ka jylla Meghalaya, wei kattæ leh da chah sumaar u hapoh kawi ka Hospital kawa em haka jylla Assam.
Da pyntip u wa hadien waka Report yong utai u bru pynyoo ko wa chah ktah u ha u COVID-19, neiliang ka sorkar Assam da pyntip ko cha ka sorkar Meghalaya wei kattæ yaka SBI Khanapara Branch da phah chwa wow khang chipor neibynta wow kdoh u khoom yei poor i kjut.
Da pyntip u leh wa ka chnat i chait i khiah haka jylla da chim lut ko yaki nongmuna ki wakreh ha katai ka Bank wei kamjooh kitu kiwa yajan wa utai u bru.
