Ka laad pathai khubor sorkar ka jylla Mizoram da pyntip ko wa da em sa 2 ngut kiwa dang yoh COVID-19 kiwa da Test lang naki 1113 tylli ki nongmuna (Sample) wei dang yang leh yaka Result yong ki 59 tylli.
Kini kiwa dang yoh toh pyn arngut ki kynthai kiwa 3 wa 23 snem i rta kiwa na Aizawl District kiwa liwan na Maharashtra wei ym toh kiwa chitom namo kiwa em ki dak ki chin wa yoh COVID-19 wei toh kiwa em chwa hapoh Quarantine.
Ynne da em leh 17 ngut kiwa da chait na u COVID-19 wei da yoh ki leh wow mih liwan naki ar tylli ki thaw sumaar.
9 ngut toh kiwa chah sumaar ha SRHF-ZMC kiwa 2 ngut ki chynrang wa 7 ngut ki kynthai kiwa na Aizawl District 6 ngut, Saitual District 2 ngut wa na Serchhip District 1.
Ki 8 ngut toh kiwa chah sumaar ha Covid Care Centre wa em ha Lawngtlai District kiwa 6 ngut ki chynrang wa 2 ngut ki kynthai.
Wa kini, kiwa yoh COVID-19 hapoh Mizoram da em ki 147 ngut heiwa kiwa chait da em ki 47 ngut katwa kiwa dang em ya uni u khñiang da em ki 100 ngut.
Na kini waroh kiwa yoh CODI-19, da em 68 ngut ki chynrang wa 79 ngut ki kynthai.
