Jowai: U President ka BJP Meghalaya Pradesh State President, u Ernest Mawrie da yaroh u ya u montri rangbahdooh ka ri, u Narendra Modi uwa da pynbna wow saam mar baam (khoo/ata) cha ki 80 klur ngut kiwa wan na ki manyung wa dooh kam ha ini i por.
Ynnin ka sngi u Modi da pynbna u wow saam mar baam mynkna hadooh u khonchonglad (November) 2020 wow yarap hadien wa sdang i yakhun ya ka khlam u COVID -19.
Da yaroh leh ya i rai ka sorkar wow yarap ya ki warep deiwa phah poisa cha ki iwa da kynjoh waroh hadooh T. 18,000 klur kamjooh leh cha kiwa khih mylla lyngba ka PM Gareeb Kalyan Rozgar Yojana.
Heijooh i por da yaroh leh ya ka sorkar hajrong ka One Nation One Ration Card, iwa daw yarap ya kiwa khih mylla cha kiwi ki jylla ka ri.
Da kyntu u leh ya ka sorkar jylla wow pynpoi hok ya ki mar baam cha kiwa em hok wa toh u yoh ya ki.
Da dawa ko leh na ki 60 MLA ka jylla wow e cha ki paidbah ya ka yutip wa bniah hajrong i rukom pynlut namo ka Detail Account heiyatoh wa ka T. 25 lak lyngba ka MLA Scheme-Pandemic 19 neibynta u yarap ya ka Constituency yong ki heipor wa em ka khlam u COVID-19.
