Jowai: U District Magistrate, West Jaiñtia Hills da pynmih hukum u wa yaka khayi khappood (Border Trade) waka Bangladesh lyngba ka Land Customs Station, Tamabil, Dawki daw wai noh nadooh ka 9 tarik uni u bnai deiwa bood yaki kyndon Standard Operating Procedure (SOP) heipor wa challan wa da booh da u Commissioner & Secretary ka sorkar Meghalaya, Commerce.
Kani ka hukum da ong ko leh wa ki kari u lai ki deiwa bood ya Odd wa Even Number katkam wa pynbait da ka Additional Deputy Commissioner, In-charge Amlarem (Civil) Sub-Division
Ki kari wa kut da u Odd Number (1, 3, 5, 7 wa 9) u chah u lai ki haka sngi Monday, Wednesday wa Friday katwa ki kari wa kut ya u Even Number (0, 2, 4, 6 wa 8) u lai ki haka Tuesday, Thursday wa Saturday.
Chooh chooh, u District Magistrate da phah u ya waroh wow bood thij yaki kyndon wa da booh daka Ministry of Home Affairs, Government of India waka Ministry of Health & Family Welfare, Government of India. Lada ym bood yaki SOP daw khang syndon ya kani ka thaw khayi lyngba ka Land Custom Station Tamabil, Dawki, West Jaiñtia Hills District khlem da pynbna chwa.
