July 6, 2020

Pynkyrpang ka Khonraij ya ki sngi u Trekirot da i puræ sur rwai ki khynnah chah sikai Niamtre

Advertisement ad1

Jowai: Ka Dorbar Chnong Khonraij kam kawi na kiwa embynta wa kyrpang ha ki Soo Sngi Le Yaw u Trekirot, ha uni u snem neidaw i tynjooh ka khlam ka kjut wei pynrkhiñ ki aiñ sorkar wow yamih paidbah kam wa jooh iwa da man i khanglaad yei man kyrpang ki sngi u Trekirot hapoh ka Raij ka chnong.

Hanla kattae leh kini kiyi kiyi ki rukom tynjooh ym em u man kutlaad i ya ki khon ka Niamtre hapoh ka dong Khonraij wow pynkhroo yei burom u Trekirot heiwa ha kani ka Pynsin ka 5 tarik Naiynñiaw hei kitkhia ka Dorbar Chnong Khonraij- Niamtre Committee da pynman ko ya ka program kyrpang ha Yungwalieh watip kam ka Recitation næ i puræ ya ki kyntien sur (Poetry) wa soo laiñ da ki khynnah wa chah sikai Niamtre.

Ki kyntien sur rwai wa da puræ da ki khynnah ha kani ka sngi toh kiwa klam wa khana chaphang ka Chaad Niam Behdieñkhlam wa i parom wa yatoh wa ka dong Khonraij.

Hei yaklam wa kiwa sikai da khana ki wa ka thong wa pynman ya kani ka program toh wow pynpsiah hei thij i pyrkhat wei sñiaw yong ki khynnah wa la heiwon iwon i dur i rukom i pynkyrpang pynkyntang yei burom u Trekirot wa ka niam ka rukom toh u man iiwa hakhmat.