Hadien wa ha kini ki sngi wa dep ka BJP, Meghalaya Pradesh da paan ko yei yukheiñ naki MLA heiyatoh waka T. 25 lak wa da pynlait cha ki lynba ka MLA Scheme yow yarap yaki paidbah yow pyndap yaki marbaam wa emkaam wa kiwi de heipor ka Lockdown.
Neiliang u MLA ka BJP u Sanbor Shullai da thoh u cha u Ernest Mawrie, State President ka BJP, Meghalaya Pradesh deiwa pyndait lang waki Receipt wa ki Cheque wa da pynemkaam wow su hawa thied yaki mar.
U Sanbor Shullai da pyntip u wa hapoh ka Constituency yong oo ka South Shillong da pynlut u T. 32,38,000. Na kani, T. 25,000 toh kawa da yoh naka sorkar lyngba ka SUWP (MLA Scheme neibynta u snem 2020-21) katwa T. 7,28,000 da won da pynlut u naka tulop u.
Na kani ka poisa waroh da pynlut T. 26,80,000 yow thied khoo, dai wa u salah.
T. 5,48,000 won da pynemkaam wow thied yaki mar wow yada namo ki Essential Safety Kit kam ki tiar siat dawai, ki Hand Sanitizer, Face Mask, ki sapkti, ki PPE kit wa kiwi kiwi.
