Khur lut ka St. Anthony’s HSS ya ki kyrdan Top 10 ka Result Class XII Science wa Commerce

Shillong: Ka St. Anthony’s Higher Secondary School, Shillong da khur lut ko ya ki kyrdan ha ka Top 10 yong ka Result Class XII (Commerce) wa pynman da ka Meghalaya Board of School Education (MBoSE). Napyrdi ki 11 ngut kiwa yoh u psiah ha ka thup Top 10, 8 ngut toh kiwa na St. Anthony’s Higher Secondary School.

Haka Result Top 10 yong ka Class XII Science, kiwa em 12 ngut kiwa mih pyrtuid, 11 ngut toh kiwa na St. Anthony’s HSS, katwa 1 toh na Laban Bengalee Boys HSS. Uwa yoh yaka kyrdan wa nyngkong toh u Kaustab Choudhury (E,CS,Ph,Ch,M,Ae) uwa yoh 468 Marks uwa na St. Anthony’s Higher Secondary School, Shillong.

Ha ka Commerce kawa yoh nyngkong ha ka Top 10 toh ka Komal Sharma (EAc,En,Ec, Bs) kawa yoh 89% iwa man 445 Marks, ha ka kyrdan wa-ar da yoh khur da u Vinod Prajapat (Ac,En,M,Bs,Ec) uwa yoh 444 Marks.

Hawa yoh wow yaklam wa kini ki khynnah da pynsñiaw ki yei sñiawkmen wow yoh khur ya ki kyrdan wa hakhmat ha kani ka Exam wa pynman da ka MBOSE ha uni u snem.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Kini ki khynnah da ong ki hanla em i chah pynthut hachwa wow yaleh ya ki Exam neidaw ka Curfew hachwa wow kut u snem 2019, wei kamjooh i chah ktah ha ka khlam COVID-19 kawa da pynman wow em ka Lockdown, tangwa ini i eh ym em da pynkynran dien ya ki wow pyndep ya i puræ puthi, deiwa pynrap leh wa ym em poi pyrkhat ki wow yoh ksoh yaki kyrdan wa chakhmat yong kani ka Exam.

U Vimal Kumar Sharma uwa man u pa ka Komal da pynsñiaw u yei kmen, deiwa ong leh wa hapyrdi ka Lockdown ym em man iwa eh wow e laad ya ka khon wow puræ, laitnoh du dei wym biang ka kamai kajih.

U Rev. Fr. Anthony Kharkongor uwa man u Principal kani ka skur da ong u wa man iwa sñiawsarong ya ka skur hadien wa da khur lut ya ki kyrdan wa hakhmat ha kani ka Result wa da pynbna da ka MBOSE, wa kynthup ha ka Science wa Commerce, heiwa da e burom kyrpang u ya kiwa sikai, ki bei ki pa wei kamjooh ya ki khynnah skur kiwa e yei krehlang wow rah ya i burom wei naam yong ka skur.

Da pyntip u wa na St. Anthony’s ha ka Science kiwa yoh ksoh kyrdan Top 10 em ki 10 ngut na ki 11 ngut wa da pynbna, katwa ha ka Commerce em ki 8 ngut na ki 11 ngut wa da pynbna.

Chooh chooh kiwa Pass man ki 96.89%, heiwa kiwa yakhun ha ka Science man ki 161 ngut wei kiwa Pass em ki 156 ngut, katwa ha ka Commerce kiwa Pass em ki 97.7% heiwa kiwa yaleh da em ki 171 ngut heiwa kiwa Pass em ki 166 ngut.