Ka sorkar Meghalaya ynne da mynjur ko yaka Meghalaya Settlement of Arrears Ordinance 2020 kawa tip leh kam ka Tax Amnesty Scheme kawa e por 6 bnai ya kitu kiwa ym em su yaka dan wow su ki deiwa pynduna 30% na iwa toh u su ki.
Hawa pyntip yeini, u montri rangbah ka jylla da ong u wa da em 805 ngut ki bru kiwa ym em so yaka dan yong ki da boon snem iwa da poi palat T. 152 Klur nadooh ki por wa dang krehkaam ka VAT wa kiwi ki dan kiwa man hapoh ki aiñ ka sorkar jylla waka sorkar pyrdi.
Da pyntip leh wa ka sorkar ym em kdong ko ya ini ki wym em su dan neidaw wa boon ki por ki cha ka yung kachari wei man ka kawa lut phut wei lut por wei da yooluti wa deiwa em kani ka Scheme daw wan ki chakhmat wow su yaka dan yong ki kawa dang sah.
Da ong leh wa i wan chakhmat wow su yaka dan ym toh iwa dei pynbor wei chong hei mon yong kini ki bru wei lada ym su ki hapoh 6 bnai daw lai chakhmat katkam ka aiñ.
Ha iwi tawan i liang da mynjur wow booh daka Single Window Agency ka wow pait yaki kaam (Project) ki wa heh kiwa T. 50 Klur chaneiñ yow yoh yei mynjur smat iwa yatoh leh kam chibynta wow pynkhreh yaka National Games.
