Ka yachem lang wa 18 ki High-Level Group of Ministers (GoM) hajrong u COVID-19 da pynman yaka hapoh i chongknor u Dr. Harsh Vardhan, Union Minister of Health & Family Welfare deiwa leh daka Video-Conference, ynne ka sngi. Heiwa da emlang u Dr. S. Jaishankar, Union Foreign Minister, u Hardeep S. Puri, Union Minister of Civil Aviation, u Ashwini Kumar Choubey, Minister of State, Health & Family Welfare, u Mansukh Mandaviya, Minister of State, Chemical and Fertilizers, & Shipping wa u Dr. Vinod Paul, Member (Health), Niti Aayog.
Ha kani ka yalang da yaklam yei long i man hajrong u COVID-19 ha India. Heiwa da nujor wa kiwi ki 5 tylli ki ri kiwa chah ktah dooh hapoh pyrthai, heiwa ka ri India man ko kawa duna dooh kiwa yoh man ka chi Million heiwa kiwa yoh da em ki 538 ngut katwa kiwa yap ha man ka chi Million em ki 15 ngut. Deiwa kheiñ lang (Global Average) waroh ki ri, ini man i 1453 ngut wa 68.7 ngut.
Hapoh ka ri, ki 8 tylli ki jylla kitæ ka Maharashtra, Tamil Nadu, Delhi, Karnataka, Telangana, Andhra Pradesh, Uttar Pradesh wa Gujarat da em ki 90% na waroh kiwa dang em ya uni u khñiang namo ki Active Case wa 49 tylli ki District em ki 80% ki Active Case hadooh ynne ka sngi.
Na kiwa yap won da em 6 tylli ki jylla kitæ ka Maharashtra, Delhi, Gujarat, Tamil Nadu, Uttar Pradesh wa West Bengal kiwa em 86% na waroh kiwa yap, wa 32 tylli ki District wa em 80% waroh kiwa yap.
Neiliang u Amit Khare, Chairman of Empowered Group-8 (Information, Communication and Public Awareness), da pyntip u wa da yaleh wow pynsñiawthooh paidbah kamjooh wow pynbait yaki khubor thok. Da yoh ki 6,755 tylli ki yutip chaphang ki khubor thok wei na kini da jubab ya 5,890 tylli kiwa da mih leh ha ki 17 tylli ki laad pathai khubor wa em cha baar ri.
