U DHS ka jylla u Dr. Aman War da pyntip u wa na iwa pynman yaki Random Sampling namo i chim nongmuna na ki bru nadooh na Khanapara hadooh 13 Mer ym em wa chem wa yoh COVID-19.
Heiyatoh won wa kiwa yoh COVID-19 kiwa poor na uwa yoh nyngkong uwa kreh haka thaw pynman khawai bia ha Khanapara, da em 17 ngut kiwa yoh COVID-19 kiwa da chem deiwa booddien lyngba ka Contact Tracing.
Neiliang u montri i chait i khiah da pyntip u wa ynne da leh yaka Random Test haka Hubert Memorial School, Umpling wei daw pteiñ sa ha Nongmynsong wa Mawpat tangwa yaka Result yong kini ym pu yoh.
Heiyatoh won wa iwa phah leh Quarantine ya kiwa lai yaleh kreh DEO ha yung krehkaam ka DC Ri-Bhoi, da pyntip wa da em uwi na kiwa lai yaleh kreh uwa da suba wa man uwa yoh COVID-19 wei da booh ya oo hei thaw chong u samen, kamtæ da phah leh ya kiwi wow leh Quarantine ki.
Heiyatoh won wa i em i khynnah wa yoh COVID-19, da pyntip wa ini i khynnah toh iwa dang 6 snem iwa na Laitumkhrah wei iwa da pynikna wa yoh i 3 sngi nachwa wei da dep wow kheiñlang ya ini kam kiwa yoh, wei da yoh i ya uni u khñiang na uwa lai khawai ha Khanapara.
