Kiwa yoh COVID-19 ha Manipur ha kini ki 24 kynta da em sa 20 ngut kiwa 14 ngut ki chynrang wa 6 ngut ki kynthai, da pyntip u Dr. Khoirom Sasheekumar Mangang, Additional Director & Spokesperson, Health Department, Manipur.
Kini toh na District Bishnupur (1), Imphal East (2), Imphal West (9), Tamenlong (3), Thoubal (2), Senapati (2) wa Ukhrul (1) wei da kit ya ki cha ki Covid Care Centre. Waroh toh kiwa liwan na baar jylla, lait noh 2 ngut kiwa 1 na Imphal East wa 1 na Thoubal District.
Ha kini ki 24 kynta da em leh 53 ngut kiwa da chait kiwa da pyntikna deiwa Test ya ki daka RT-PCR.
Waroh kiwa da yoh COVID-19 ha Manipur da em ki 1911 ngut, heiwa kiwa chait da em ki 1235 ngut wa 676 ngut kiwa dang em ya uni u khñiang. Kiwa chait da em ki 64.62%.
