U symbood montri rangbah ka jylla u Prestone Tynsong da pyntip u ynne ka sngi wa kiwa lai khawai bia ha Greenwood Resort, Khanapara da em ki waroh 47 ngut.
Da pyntip u wa kiwa dang tip thymme toh 4 ngut na East Khasi Hills wa 8 ngut kiwa na Ri-Bhoi.
Ha East Khasi Hills kiwa lai cha kani ka khawai bia da em ki kattu 39 ngut heiwa heiwa yaka FIR da dep e pyrchah ya ki 35 ngut da ka DC ka East Khasi Hills.
U Prestone da pyntip u leh wa da phah ya ki DC ki ar District wow e FIR sa ya kini kiwa dang chem thymme.
Hawa kylli neiyi i daw wa kylla ma kylla katwon ngut kiwa lai cha kani ka khawai bia, u Prestone da ong u wa hadooh katni ka booddien kamjooh ka takit dang lai ko chakhmat heiwa nyngkong da mih pyrtuid yong ki bru kiwa yachem wa kiwa lai cha kani ka khawai kiwa da toh kheiñ kam kiwa lai cha kani ka khawai.
Da ong chooh chooh u wa ye u man hadien wa takit ya kini ki bru daw mih chooh chooh ki pyrtuid kiwa lai cha kani ka khawai bia.
