Shillong: Hadien wa chem wa em wa yoh COVlD-19 ha Block-II ka Lumpyngngad, Motinagar Shillong wei khnang wow pynsuk wow leh ya ka Contact Tracing, Quarantine, Testing wa Isolation wei kamjooh leh neibynta i bha i miat ki paidbah, neiliang ka District Magistrate, East Khasi Hills District ynne ka sngi da pynbna u ya waroh ka Block-II ka Lumpyngngad, Motinagar kam ka Containment Area khang wow khang yei psiah i mih ki bru cha kani ka thaw.
Ym chah yeiyi yeiyi u psiah u mih ki ha kani ka thaw wei ki paidbah emkaam wow chong bait ki hapoh yung.
Da khang leh wow em iwon iwon i yachem namo i yalang paidbah neibynta iwon iwon i kaam nadooh ki kaam sñiawbha, ki kaam niam wa kiwi kiwi.
Waroh ki dukan dukdoh u man ki kiwa khang wei ki tiar wa emkaam daw pynbiang da ki bor ka District Administration.
Waroh ki yung krehkaam sorkar hapoh kini ki thaw u man ki kiwa khang wei u Incident Commander of Zone-I u man u kam u Supervising Officer yong ka Block-II Lumpyngngad, Motinagar.
Ya kiwa leh pyrchah daw pynchitom ya ki katkam ki kyndon ka Disaster Management Act, 2005 wa ka IPC.
