Jowai: Katkam wa man katni, ki bru wa yoh ya u COVID-19 hapoh ka jylla wa ka West Jaiñtia Hills (WJH) dang ku ki kat dang mih ki sngi wei kattæ kiwa dang chah ktah (Active Case) hapoh jylla waroh kawi em ki 562 ngut.
Hadooh ynne i miet ka 26 tarik kiwa dang em (Active Case) ya uni u khñiang hapoh ka West Jaiñtia Hills District da em ki 10 ngut.
Hawa yaklam wa u DC ka District, u Garod LNS Dykes da pyntip u wa waroh kiwa dang chah ktah (Active Case) ha uni u khñiang katni em ki ha Maternity and Child Health (MCH) Hospital, Panaliar, Jowai.
Chooh chooh da pyntip u leh wa kini ki bru wa em hapyrdi i chah sumaar man ki kiwa khlan (Stable).
Da kyntu u leh ya ki paidbah wow man ki kiwa yaichah wei kiwa yakrehlang kam ha kini ki por khnang wow ye u khang u da na uni u khñiang khlam COVID-19.
