U pteiñ biang i pynman kam ki Containment Area ki 6 chnong ha East Jaiñtia hadooh ka 29 tarik

Khliehriat: U District Magistrate, East Jaiñtia Hill District da pyntip paidbah u wa yaka hukum wow pynman kam ki Containment Area ki 6 chnong wa kynthup yaka Khliehriat East, Khliehriat West, Dkhiah East, Deinchynrum, Sookilo wa Mookympad u pteiñ biang hadooh i step ka 29 tarik.

Ka hukum khang ya kini ki thaw u pteiñ biang ko nadooh 6:00 AM ka 27^th July, 2020 hadooh 6:00 AM 29^th July, 2020 yow ye u pyndep yei booddien ya kiwa yachem wa kiwa yoh ya u COVID-19.

Kamtæ da khang ya ki paidbah kiwa em hapoh kini ki Containment Area wow mih ki wei toh u neh bait ki hapoh ki yung yong ki. Ym chah leh wow pynmna ya kiwon kiwon ki jait yalang paidbah. Kamjooh ya kiwi kiwa ym em yoh bor wow psiah cha kini ki thaw.

Kani ka hukum da pynlait ko ya kitu ki wakreh u Deputy Commissioner kiwa em yaka Car Pass wow psiah chapoh ka yung krehkaam u DC, ki wakreh u Superintendent of Police East Jaiñtia Hills District wa waroh ki pulit, ki pulit wakreh hapoh kini ki Containment Area, Traffic Control wa Law & Order, DRDA Office, BDO Office, Office u District Public Relations Officer, MePDCL Office, PHE Office wa Swatch Bharat Mission Office kamjooh i lai booh ya ki Pipe um ha Dkhiah West wa Dkhiah East. Da pynlait leh ya ki Canteen ka Old DC Office Building kiwa pynbiang ya ki Quarantine Centre wa yaka DC Office, National Highway-6 neibynta wow kit yaki mar wa emkaam, Emergency Services, District Contact Teams, CHC wa PHC ha Khliehriat, Medical Officers, Medical Front Line Workers, PWD Road NEC Office wa PWD NEC Road kiwa na Khliehriat hadooh Saipung, ki Bank wa ATM, Fishery Office, Veterinary Office, Horticulture Office, Agriculture Office, Water Resource Office, Social Welfare Office, Metrology Office, Forest Office, DSEO wa SDSEO Office, ICDS wa DCPO Office, DCIC Centre wa waroh ki State wa Central Government Office.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Yow ye ki paidbah wow thied yeiwa emkaam ki (Essential Food Items) da chah wow wai yaki dukan nadooh 9:00 AM hadooh 4:00 PM haka 27^th, 28^th, 29^th wa 30^th July, 2020 ha kini ki 6 tylli ki chnong kitæ Khliehriat East, Khliehriat West, Dkhiah East, Deinchynrum, Sookilo wa Mookympad.

Ki jait dukan wa cha u wai ha kini ki sngi wa i por wa da kdaw haneiñ toh waroh ki Fair Price Shop hapoh NFSA wa Non-NFSA yow saam khoo, waroh ki dukan rachon wa dai khoo, dai, salah, piat, phniang baam, chini, blooh, sabon wa kiwi ki mar baam. Chah hi leh wow wai ha kitai ki jooh ki sngi ya ki Pharmacy. Ka Petrol pump wa em ha Deinchynrum u wai ko nadooh 7:00 AM hadooh 4:00 PM.

Da kyntu yaki paidbah wow bood ki yaka Social Distancing deiwa yajngai 2 meter (6 feet), u deiñ yaki Mask, ym toh wow ya yalang khynnia ha iwi i thaw lane i dukan wei ym toh leh wow mynthu hei thaw paidbah. Ki paidbah toh u ya krehlang ki wa ki bor District, ki pulit wa ki waheh chnong.

Ya kiwa leh pyrchah daw pynchitom hapoh ka aiñ Disaster Management Act, 2005 waka IPC.