Da pteiñ biang yaka Night Curfew ha West Jaiñtia Hills nadooh myntu i miet

Jowai: Kam chibynta wow kdoh u khoom yei poor ka khlam COVID-19 hapoh ka District, u District Magistrate, West Jaiñtia Hills District, Jowai da pynmih hukum u ynne ka 1^st August, 2020 hapoh ka Section 144 Cr.PC wow pteiñ yaka Night Curfew hapoh ka District nadooh 1^st August, 2020 nadooh 9:00 PM hadooh 5:00 AM man ka sngi hadooh wa pynmih hukum da kamwi.

U District Magistrate da pyntip u wa kani ka hukum ym krehkaam ko yaki bru chipai, ki wakreh ha i chait i khiah, ki Wholesale wa Retail Pharmacy, ki pulit, Fire & Emergency Service, MeECL, NEEPCO & Power Grid, Food & Civil Supply Department, FCI, Public Works Department (PWD), Public Health Engineering (PHE) Department, Jowai Municipal Board, Postal Service, Telecom, Communications & IT Services, Press, Print & Electronic Media, Petrol Pumps, ki kaam wa ym hoi u dam kam i sumaar sukher, i Online Food Delivery, ki thaw chna kari wa kiwa dai tiar kari ki yong ka Health and Family Welfare Department waki wakreh sorkar kiwa leh yei kaam yong ki.

Yaki bru wa da heh rta kiwa da em 60 snem chaneiñ ym emkaam ki wow yoh yaki Pass wa Curfew Pass tangwa hap ki wow rah yaki Photo ID Card yow pynsakhiat yei rta yong ki.

Kani ka hukum da pynlait ko leh yei lai ki kari wa kit yaki mar wa emkaam, ki chipai, ki tiar ki taar wa yatoh wa i chait i khiah wa ki dukan chna Truck wa em ha ki sarok-bah. Tangwa kiwa yah kari wa kiwa yarap yaki hap ki wow leh yaka Medical Screening katkam ki kyndon.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Yaki Curfew Pass neibynta 9:00 PM hadooh 5:00 AM nadooh ka 1^st August, 2020 hadooh wa pynmih hukum da kamwi ye u yaleh Online ha www.megedistrict.gov.in wa www.westjaintiahills.gov.in.

U District Magistrate da phah u leh yaki paidbah wow bood ki yaka Social Distancing deiwa yajngai 1 Meter (6 ft), wei ym toh wow ya khynnia ha iwi don i thaw næ i dukan, u deiñ yaki Mask, ym toh wow mynthu haki thaw paidbah, u ya krehlang waki bor District, ki pulit wa kiwa pynlai chnong yow bood ya kani ka hukum pynman Night Curfew.

Ya kiwa leh pyrchah daw pynchitom hapoh ka Section 51(b) ka Disaster Management Act, 2005.