15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Lai saam Mask ki ar seiñbhalang ha Iawthymme

Advertisement ad1
Advertisement ad1
Advertisement ad1
Advertisement ad1

Jowai: Kam chibynta u ya ksohktilang waka sorkar kamjooh waka imlang sahlang hi waroh kawi yow yakhun pyrchah ya u khñiang COVID-19, neiliang ki artylli ki seiñbhalang wa kynthup yaka Jaiñtia Student Movement (JSM) wa Hynniewtrep Youth Council (HYC), ynne ka sngi da hiar ki ha Iawthymme Ladthadlaboh, Jowai yow saam yaki Mask cha ki bru paidbah wa lai wa wan ha kani ka yaw kamjooh leh cha kiwa chongdai.

Hanla boon hi ki paidbah toh kiwa da em Mask chwa, neiliang kini ki seiñ ong ki wa yeini da leh neibynta yow yoh ki u kylliang yow lait u deiñ bait da ka jooh man ka sngi.

Ki paidbah leh manda yoo ki yeini i saam Mask da ya paan ki na ki thaw wa chongdai ki, em won leh ki paidbah manda yoo ki yeini da wan paan ki na kini ki dkhot ka seiñ. 

Neiliang u Secretary ka HYC u Roming Lamare, wa u Treilang Dkhar u Vice President JSM Western Region ong ki wa yeini da leh ki hajrong i sñiawkhia wow pynyoo cha ki paidbah yei emkaam ki Mask yow yada na u khñiang COVID-19.

Da ong wa uni u khniang ym chong du hei bor ka sorkar tangwa i yakrehlang yong waroh u paidbah. Da kyntu ki wow deiñ yaki Mask haki rukom watoh watne heiwa u deiñ deiwa tymmoh nadooh i khmut i ktien. Heijooh i por kyntu joor ki ya ki paidbah wow sñiawbha ki u bood yaki kyndon wada phah ka sorkar. 

Share this:
Previous

Pteiñ ka Tympang Iawmusiang yei siat dawai hapoh yaw

Next

Da pteiñ biang yaka Night Curfew ha West Jaiñtia Hills nadooh myntu i miet