U President ka USA u Donald Trump da ong u wa daw khang u yei pynemkaam yaka TikTok hapoh USA kawa man leh ka Video-Sharing App yong ka China kawa da sdang wow chah kyntait hadien wa khang leh ka India yaka ynnin u bnai deilang wa kiwi ki App wa na China.
Da em leh ka khubor wa ong wa yaka TikTok da mut wow dai yaka cha ka Micorsoft wa cha kiwi ki Company.
U Trump da ong u wa u khang (Ban) u yaka TikTok hapoh USA deiwa pynmih u yaka Executive Order hapoh ka Emergency Economic Power.
Da pynbaad wa ka TikTok da lum ko yaka yutip wa yoh ki na kiwa pynemkaam yaka dep te e ki cha ka sorkar China.
Ka TikTok man ko katni kawa ka-ti bha ki bru wow pynemkaam heiwa da em hadooh 315 Millon sien wa da Download yaka haki 3 bnai wa sdang uni u snem.
Ka TikTok da man leh kawa nynkong ka App wa pynmih ka China wa da pdiang yaka da kiwa pynemkaam ha waroh ka pyrthai.
