Ha kini ki 24 kynta kawa man leh ka sngi kawa 4 wa da tam bait 50 hajar ngut kiwa chah ktah ha u COVID-19 ha India, da phær ko na kiwi ki sngi wei da man leh ka sien wa nyngkong heiwa da em 51,255 ngut kiwa chait na ki 54,735 ngut kiwa chah ktah.
Ha kini ki 24 kynta da ku leh kiwa dang em ya uni u khñiang da 2,627 ngut wei da em leh 853 ngut kiwa yap.
Na ki jylla wa boon dooh kiwa chait toh ha Andhra Pradesh 12,750 ngut, Maharashtra 10,725 ngut, Tamil Nadu 7010 ngut, Uttar Pradesh 2471 ngut wa ha West Bengal 2143 ngut.
Kiwa da chait hapoh ka ri da em ki 65.44% iwa ku naka 64.53% kiwa em waroh 11,45,629 ngut. Kiwa dang em ya uni u khñiang da em ki 32.43% iwa hiar naka 33.32% kiwa em 5,67,730 ngut wa 2.13% kiwa yap kiwa em 37,364 ngut. Waroh kiwa da dep yoh COVID-19 da em ki 17,50,723 ngut.
Kiwa chait da tam ki da 5,77,899 ngut ya kiwa dang em ya uni u khñiang iwa ku da 48,628 ngut nadooh ynnin ka sngi.
