U montri rangbah ka jylla, u Conrad K. Sangma ynne da boddien u yei kreh ya ka PMGSY ha ka jylla chirup wa ki sahep ka PWD wa ki Deputy Commissioner.
Ki sahep ka PWD da pyntip ki wa i kreh ya ki Scheme ha kylleiñ ka jylla da man i iwa lai bait tangwa neidaw ka khlam u COVID-19 da slem i kreh nadooh u Wisu (March) hadooh wa kut u Naisan (May).
Neiliang u Conrad da kyntu u ya ka chnat wow pynkreh ya kini ki Scheme wei wow pyndep ya ki hapoh i por wa da booh.
Da sñiawskem u leh wa daw ye ka PWD wow leh yeiwa emkaam wei wow e ya ka bui krehkaam (Progress Report) yong ki kreh man ka tayaw deiwa phah leh ya ki DC wow booddien ki ya kini ki kreh.
Na ki 971 tylli ki Scheme wa da pynlait (Sanctioned) kiwa jrong 4303.70 KM, 414 tylli kiwa jrong 1353.12 KM toh kiwa da pyndep katwa 528 tylli kiwa jrong 2849.98 KM i kreh dang lai i chaphrang.
Chooh chooh da pyntip u wa ka Online Monitoring Mechanism ha ka yung krehkaam yong oo da man ko kawa da krehkaam wei ka chnat toh u booh yutip ko heini heiyatoh wa ki Scheme, i man i long yong ki (Status of the work), i pyrtuid wa i phone No. ki sahep wa ki Contractor wa kiwi kiwi khnang wow lai bait ki kreh.