August 5, 2020
U DHS ka jylla u Dr. A. War da pyntip u wa ynne ka sngi kiwa dang yoh COVID-19 ha Meghalaya da em ki 22 ngut wa 9 ngut kiwa dang chait.
Na ki 22 ngut kiwa dang yoh, 19 ngut toh kiwa na East Khasi Hills, West Garo Hills (1) wa ha South West Garo Hills (2).
Na ki 19 ngut kiwa dang yoh thymme ha East Khasi Hills, 16 ngut toh kiwa yajan (High Risk Contact) kiwa yabi wa uwa kamai Tourist Taxi, em kiwa yachem wa kiwa yoh COVID-19 kam ha Nongrim Hills, Laitumkhrah, Mawlai Kyntonmassar, NEIGRIHMS wa ha Malki. Wei da em leh 3 ngut kiwa liwan na baar jylla.
Ha West Garo Hills kiwa dang yoh toh kiwa liwan na Assam kiwa em 2 ngut katwa ha West Garo Hills toh uwi u BSF.
Kiwa dang chait da em ki 9 ngut ynne kiwa 5 ngut na East Khasi Hills kiwa em 2 ngut ki bru paidbah, 1 BSF wa 2 ngut na kiwi ki chnat chipai. Ha Ri Bhoi kiwa chait toh 4 ngut ki bru paidbah.
Kiwa dang em ya u COVID-19 ha ki District man ki kamni ha wah:
East Khasi Hills-487 (BSF-188, bru paidbah-241, na kiwi ki chnat chipai-58).
West Khasi Hills-5
Ri Bhoi-51
West Jaiñtia Hills-16
East Jaiñtia Hills-17
West Garo Hills-15
South West Garo Hills-2
South Garo Hills-2
Waroh kiwa dang em ya uni u khñiang da em ki 595 ngut, kiwa chait da em ki 339 ngut, kiwa yap 5 ngut iwa da poi 939 ngut kiwa da dep yoh COVID-19 hapoh ka jylla.
Ki nongmuna waroh kiwa da dep phah Test da em ki 39553 tylli, kiwa man Negative da em ki 38062 wei dang yang yaka Result ki 552 tylli.
Waroh kiwa da liwan chapoh ka jylla da em ki 25588 ngut.
