Kiwa dang yoh COVID-19 ha Manipur ha kini ki 24 kynta hadooh 5 waje ynne i janmiet ka 6 tarik da em ki 115 ngut wei da em leh uwi uwa yap.
Na kini ki kiwa dang yoh, 65 ngut toh ki chynrang wa 50 ngut ki kynthai heiwa 9 ngut toh ki bru ka Central Armed Police Force (CAPF).
Ha kani ki 24 kynta da em leh 43 ngut kiwa chait kiwa da pyntikna hadien wa leh yaka RT-PCR Test.
Uwa yap toh uwa dang 15 snem i rta uwa na Bishnupur District uwa chah sumaar ha RIMS uwa yoh COVID-19 wei da chitom chwa ki Kidney u wei wa uni, waroh kiwa yap da em ki 8 ngut.
Waroh kiwa da dep yoh COVID-19 ha Manipur da em ki 3217 ngut heiwa ki bru paidbah da em ki 2681 ngut wa 536 ngut ki bru chipai (Central Security Personnel).
Kiwa chait da em ki 1905 ngut heiwa ki bru paidbah da em ki 1822 ngut wa 83 ngut ki Central Security Personnel.
Kiwa dang em ya uni u khñiang da em ki 1304 ngut, heiwa ki bru paidbah da em ki 851 ngut wa 453 ngut ki Central Security Personnel.
Ini toh katkam ka kyrwoh na u Dr. Khoirom Sasheekumar Mangang, Additional Director & Spokesperson Health Department, Manipur.
