Kiwa dang yoh COVID-19 hapoh Meghalaya hadooh ynne i sngi da em ki 16 ngut iwa ku da 3 ngut nadooh ynne i step, katwa kiwa dang chait da neh ki katjooh 66 ngut.
Na kiwa dang yoh thymme ha East Khasi Hills kiwa em 11 ngut, kawi toh ka Staff Nurse ka Civil Hospital, 3 ngut ki Doctor ka NEIGRIHMS, 2 ngut kiwa liwan na baar jylla wa 5 ngut kiwa na ki chnat chipai.
Ha East Jaiñtia Hills uwa yoh toh uwa yah Truck ka Topcem Cement uwa em bait ha kani ka thaw wei dang thooh neiwon yoh u ya uni u khñiang. Ha Ri Bhoi kiwa dang yoh toh ki 2 ngut ki bru chipai, ha West Garo toh uwa liwan na baar.
Ynne da em leh wa yap ha NEIGRIHMS wa em 46 snem i rta wa chitom ki Kidney wei hadien wa Test da chem wa toh leh wa man Positive ya u COVID-19 wei ym pu tip neiwon yabi kamjooh dang yang yei pynche naka NEIGRIHMS.
Na u Pharmacist won uwa lai cha Rangthong PHC da em waroh 86 ngut wa yachem wa oo kiwa kynthup ya ki High wa Low Risk Contact.
Kiwa dang em ya u COVID-19 ha ki District man ki kamni ha wah:
East Khasi Hills-446
West Khasi Hills-6
Ri Bhoi-72
West Jaiñtia Hills-16
East Jaiñtia Hills-18
West Garo Hills-28
South West Garo Hills-2
South Garo Hills-2
Waroh kiwa dang em ya uni u khñiang da em ki 670 ngut wa 411 ngut kiwa chait.
Ki nongmuna wa da phah Test da em ki 40631 tylli, kiwa man Negative da em ki 39008, wei dang yang yaka Result ki 617 tylli.
Waroh kiwa liwan chapoh ka jylla da em ki 26,039 ngut.