15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Advertisement ad1

Da pynbna ya ki kattu katni ki thaw ha Shillong kam ki Containment Area

Advertisement ad1

Shillong: Hadien wa chem ya kiwa yoh COVID-19 ha ki kattu katni ki thaw, da rai wow pynman ya ki kattu katni tylli ki thaw ha Shillong kam ki Containment Area khnang wow ye u leh ya iwa emkaam.

Kamtæ da rai wow pynman ya i yung ka Quincydora Shallam, Lower Lumsohra, Laitumkhrah wa i yong ka Salvania Kharkrang ha Mawshaton kam ki Containment Area heiwa da khang ya kiwon kiwon ki bru wow psiah wow mih cha kini ki thaw.

Kamtæ ym chah ya kiwon kiwon wow psiah ki cha kini ki thaw wei kiwa chong wa sah heini, ym chah ya ki wow mih ki wei emkaam wow chongkset bait ki ha yung.

Da khang pyrchah leh ya iwon iwon i lang paidbah ha iwon iwon i dur hapoh kini i thaw.

Ki dukan dukdoh ha kini ki thaw leh toh u man ki kiwa khang wei iwon iwon iwa emkaam ki daw pynbiang da ki bor ka District.

U Incident Commander, Zone-I u man u kam u Supervising Officer yong i yung ka Quincydora Shallam, Lower Lumsohra, Laitumkhrah, katwa u Incident Commander/Block Development Officer, Mawphlang C&RD Block won kam u Supervising Officer ha i yung ka Salvania Kharkrang ha Mawshaton kiwa da pynbna wow man kam ki Containment Area.

Kani ka hukum ym krehkaam ko ya kiwa kreh ha i chait i khiah, kiwa kreh ka Shillong Municipal Board, Press (Electronic and Print Media), Petrol Pump wa kiwa pynpoi kum chet LPG.

Kiwa tyngkheiñ ya kini ki kyndon daw pynchitom ya ki katkam ki kyndon ka aiñ Disaster Management Act, 2005 wa IPC.

Share this:
Previous

Sa 3 ngut ki Doctor ha NEIGRIHMS wa yoh COVID-19 wa kawi ka Nurse ka Civil Hospital Shillong

Next

Kyntait wei pynche u BDO ka Laskeiñ yeiwa pynbaad ka JSU