Kiwa chah ktah ha u COVID-19 ha India ha kini ki 24 kynta da em ki 61,537 ngut iwa da man leh ka sngi wa ar wa da tam 60 hajar iwa man katkam ka yukheiñ ka Ministry of Health & Welfare.
Na kini kiwa dang chah ktah, da em 48,900 ngut kiwa chait, kiwa yap da em sa 933 ngut katwa kiwa dang em ya uni u khñiang da ku ki da 11,704 ngut.
Ki jylla wa boon dooh kiwa chait toh ha Maharashtra 10906 ngut, Andhra Pradesh 7594 ngut, Tamil Nadu 6488 ngut, Karnataka 3951 ngut, Uttar Pradesh 3432 ngut wa ha West Bengal 2037 ngut.
Ki jylla wa ku dooh kiwa dang em ya uni u khñiang toh ha Karnataka 2618 ngut, Bihar 2565 ngut, Andhra Pradesh 2488 ngut, Telangana 1151 ngut wa ha Asaam 1088 ngut.
Hapoh ka ri kiwa chait da em ki 68.32% iwa ku naka 67.62% kiwa em 14,27,005 ngut, kiwa dang chah ktah ha uni u khñiang da em ki 29.64% iwa hiar naka 30.31% kiwa em 6,19,088 ngut wa 2.04% kiwa yap kiwa em 42,518 ngut. Waroh kiwa da dep yoh COVID-19 da em ki 20,88,611 ngut.
Kiwa chait da tam ki da 8,07,917 ngut ya kiwa dang em ya uni u khñiang iwa ku da 37,196 ngut nadooh ynnin ka sngi.
