Kiwa dang yoh COVID-19 ha Meghalaya hadooh ynne i step ka 8 tarik da em ki 17 ngut, kiwa chait 12 ngut wa 1 wa yap.
Na ki 17 ngut kiwa dang yoh thymme, 12 ngut toh ki bru paidbah ha East Khasi Hills, 2 ngut ki bru paidbah ha North Garo Hills wa 3 ngut ki BSF ha West Garo Hills.
Ki 12 ngut kiwa dang chait toh 4 ngut (BSF-1, bru paidbah-3) ha East Khasi Hills, Ri Bhoi-7 ngut ki bru paidbah, West Jaiñtia Hills-1 bru paidbah.
Uwa yap won toh uwa 45 snem i rta wa chah sumaar ha NEIGRIHMS uwa khlaad ynnin i janmiet uwa em Type-II Diabetes wei da khlaad u hadien wa sangeh u klongsnam neidaw wa chitom ki Kidney u deiwa ban saka COVID Pneumonia.
Kiwa dang em COVID-19 ha ki District man ki kamni ha wah:
East Khasi Hills-453 (BSF-142, bru paidbah-245, kiwi ki chnat chipai-66)
West Khasi Hills-6
South West Khasi Hills-0
Ri Bhoi-65
West Jaiñtia Hills-15
East Jaiñtia Hills-18
West Garo Hills-31
South West Garo Hills-2
South Garo Hills-2
East Garo Hills-0
North Garo Hills-2
Waroh kiwa dang em ya uni u khñiang da em ki 594 ngut, kiwa chait 423 ngut wa 6 ngut kiwa yap iwa da poi waroh 1023 ngut kiwa da dep yoh COVID-19 hapoh Meghalaya.