Ka chnat Industry kawa man kawi na ki chnat kawa ye wow pynku ya i yoh i kot kawa ye wow e khih e kreh ya ki bru ka jylla. Neidaw wa ku smat i dooh kreh, da man ko kawa emkaam ya ka sorkar wow pynku yaki kaam karkhana ha ka jylla.
Ha i liang kaam khayi, deiwa man iwa jop i pynkrehkaam ya ki yaw khappood ha Kalaichar, South West Garo Hills wa ha Balat, East Khasi Hills. Ka sorkar India waka People Republic of Bangladesh da mynjur ki wow booh chooh sa 6 tylli ki yaw khappood ha chilynter ka khappood yong kini ki artylli ki ri.
I chna ya ki le tylli ki yaw khappood da dep, kawa ha Bholaganj wa Rynku ha East Khasi Hills wa Nalikata ha South West Khasi Hills. Kiwa dang lai chakhmat katni toh sa le tylli, kitæ ha Shibbari ha South Garo Hills, Kilapara, Dalu ha West Garo Hills wa ha Huroi ha East Jaintia Hills.
Ha u snem 2019-20, hapoh ka Mastercraftsman Training, da jied 818 ngut kiwa ah dur wow yoh sikai ha ki kaam thaiñ siej wa thri, u ah dur ya ki dieñ wa kiwi wei hapoh ka Scheme Training, 933 ngut ki khynroo khyllood da yoh sikai ki.
Ha u snem 2019-20, ka Single Window Agency da mynjur ko wow booh 41 tylli ki Project ha ka jylla deiwa kyrchaan poisa T. 2152.16 lak wei kawa da e kaam ya kamwa 1834 ngut.
Ha u snem 2019-20 ha ka Micro and Small Medium Enterprises (MSME), 443 tylli ki Unit da Register hapoh ka Udyog Aadhaar Memorandum ha i kyrchaan poisa wa T. 6528.59 lak kiwa da e kaam ya 2638 ngut.
Ha u snem 2019-20, hapoh ka Prime Minister Employment Generation Programme, da booh 453 Unit kawa ye wow e kaam ya 1132 ngut. Nalor ini, ka chnat da kyrchaan poisa leh ya kiwa boon ki tamasa wa ki yaw bah neibynta ki karkhana yow kyntu ya ki mar yong ki deilang wa i yarap wow pynlai yaw.
Ini toh katkam ka bui (Report) ka sorkar jylla haka sngi lehkmen Independence Day.