Ka chnong Jowai deilang waka ri waroh kawi da lehkmen ki yaka 74th Independence Day ha madan Jrisaleiñ, Chutwakhu, deiwa chimbynta ki kattu katni ki heh sorkar deiwa bood yaki kyndon wa da pynmih ka sorkar.
Yaka lama ka ri da pynhær da u Deputy Commissioner, West Jaiñtia Hills u Garod LSN Dykes kamjooh da chim u yaka salam Rashtriya Salute heipor wa tem ya i rwai National Anthem.
U DC Garod LSN Dykes hawa e yei klam, da e khublei u ya waroh ki bru ka District deiwa pynsñiaw leh yei sñiawngooh ya kitu kiwa em hakhmat dooh wow yaleh pyrchah yaka khlam COVID-19, nadooh ki Doctor, ki Nurse, ki pulit wa kiwi kiwi kiwa da booh yei mynsien yong ki hei maa yow yada ya ki paidbah. Da kdaw u leh ya kiwa boon ki laad ki luti wa da chim daka sorkar yow yada naka khlam kamjooh kiwi de ki kaam wa da leh da ki chnat sorkar.
Neidaw ka khlam COVID-19, ha uni u snem da khang yaki paidbah wow wan chimbynta ki ha kani ka lehkmen kamjooh wow wan paitke.
Kam wow pynkynmoo wa chah hi wow pynhær yaki lama ha ki dong ki chnong heiwa ha kiwa boon ki thaw da pynhær lama ki deiwa chimbynta du ki kattu katni ngut donhi kam wow bood yaki kyndon.