U Union Minister of Youth Affairs and Sports u Kiren Rijiju ynne ka sngi da pynbna u yei sdang yaka Fit India Youth Club kam chibynta ka 73rd Independence Day ha waroh kawi ka ri. Ka Fit India Youth Club, man ko kam chibynta ka Fit India Movement kam chibynta leh ka thong u Prime Minister, yow pynemkaam yei bor ki khynroo kamjooh leh yow pynman yaka pynsñiawthooh paidbah yei emkaam wow man kiwa chait kiwa khiah.
Ya kini Fit India Youth Clubs daw wanrah lang ko yei chait i khiah kamjooh i kreh mon sñiawbha deiwa pynchlur yaki kaam Volunteer heiwa ki 75 lakh ki Volunteer ka Nehru Yuva Kendra Sangathan waka National Service Scheme, deilang waki Scouts & Guides, NCC wa kiwi ki seiñ khynroo daw ya wanlang ki yow Register ki kam ki Fit India Youth Clubs ha waroh ki Block ka ri, hapoh i pyrtuid ki District Unit wei uwi pa uwi u dkhot ka Club toh u lai e mynsien u ya kiwa chong chnong wow leh ki yaki kaam pynchait pynkhiah 30 hadooh 60 minit chi sngi. Nalor ini, kini ki Club toh u pynchlur ki yaki skur ki chong wow pynman ki yaki yalang Fitness Programme.
U Rijiju ong u, “Lada uwi uwa chong chnong ye u wow yarap para kiwa chong chnong heipor wa emkaam yarap ki. Ka India kawa em 1.3 Billion ngut ki bru, wei da em chwa i 75 lakh ki Youth Volunteer, ini daw poi ko 1 Klur ngut khlem da chim por. Nga sñiaw skem O wa kini ki 1 Klur Volunteer daw ye ki wow e mynsien ya 30 klur ngut ki nong India ha waroh ki kdong ki chmiang wow sdang ki wow leh yaki kaam i chait i khiah. Da ha i kattu katni i por ka Fit India Movement leh daw heh ko wei daw poi ko cha waroh ki nong India.”
Kam chibynta ki kaam wow leh da ki Fit India Youth Club toh wow pyn ka-it ya ki bru yaka Fit India Freedom Run, ka wow sdang nadooh ka August 15 hadooh October 2 heiwa kiwa chimbynta u phet ki katkam i bor yong ki.
Ka Fit India Movement u dap ko chi snem haka August 29.
