Ynne ka sngi kawa man leh ka sngi laitlooid ka ri India, da mih i yasiat hapyrdi ka Assam Rifles wa kiwa suba toh ki dkhot ka NSCN (Khaplang–Nyemlang Konyak) ha Noklak District ka Nagaland wa em ha khappood ka India-Myanmar.
Katkam wa pyntip ki chipai, da em ar kynhun naka NSCN (K) kiwa da sdang wow siat yaki chipai ha Out-Post ka Assam Rifles wa em ha E’Coy ITC Dan ha Noklak heipor 2:15 i step synyaw. Nyngkong da siat 4-5 kuli na chilliang u pood heiwa ki chipai da sdang ki wow siat kylla.
Da ong wa ini toh i pyrchang wow pynthut yei chong suk chong saiñ ka thaaiñ na chilliang pood deiwa chim kabu yei joor u slap.
I yasiat da kut i heipor 3:40 i step wei ym em i mynsoo ha ini i jia.
Inputs from – TNT-The Northeast Today