Ka Border Roads Organisation (BRO) da chna ko ya ka yingkieñ Bailey Bridge wa 180-feet ha Jauljibi Sector ka Pithoragarh District, Uttarakhand hapoh 3 tayaw hapyrdi u slap wa i oor khyndaw.
Kani ka yingkieñ da chah rah ko ha ka um ha ka 27 Naiynñiaw 2020 hadien u slap wa joor iwa da wanrah yei chlai um ka wah iwa da pynthut yei lai i wan ki bru.
Mar jia ini, neiliang ka BRO da sdang ko wow chna ya kani ka yingkieñ wei da hap kit ko ya ki tiar na Pithoragarh wei da pyndep wow chna ya ka ha ka 16 trik uni u bnai.
Deiwa pyndep u chna ya kani ka yingkieñ da pynyabi biang ya ki 20 tylli ki chnong kiwa em 15,000 ngut kiwa chong chnong.
Neiliang u MP ka thaaiñ, u Ajay Tamta da ekhublei u ya ka BRO kawa da yarap wow pynyabi biang ya kini ki chnong.
