U Union Minister for Road Transport, Highways and MSME u Nitin Gadkari da booh mooyurim u yaka ki 13 tylli ki sarok Highway wei da wai u leh yaka Road Safety Project ha Manipur lyngba ka Video Conference ynne ka sngi.
U Chief Minister ka Manipur u N Biren Singh da pynlai u ya kani ka yalang (Virtual Function), kawa da emlang leh u MoS (I/c) for DONER & PMO u Dr. Jitendra Singh, MoS RTH Gen. (Retd) V K Singh, ki Minister ka Manipur, ki MP, ki MLA wa ki sahep sorkar naka sorkar pyrdi wa sorkar jylla.
Kini ki sarok deilang toh kiwa jrong 316 Km, kiwa chong dor T. 3000 klur kiwa daw yarap wow pynyabi yaka Manipur kamjooh wow wanrah yaka roi ka paar.
U Gadkari hei klam yong oo da ong u wa kam chibynta i thong u Prime Minister yow pynku yaka thaaiñ North East, da sdang ki ya kiwa boon ki kaam hapoh ka thaaiñ. Wei da kular u leh ya kiwa boon ki sarok thymme hapoh Manipur.
U Gadkari da kyntu u ya u CM ka Manipur wow smat u pynyoh yaki thaw chna sarok. Wei da kular u leh lyngba ka Central Road Fund (CRF) wow pynlait chooh sa T. 250 klur manda yoh yaka Utilization Certificate naka jylla.
U Chief Minister u Biren Singh da ong u wa ka Manipur toh ka jylla wa yoh chiboon u slap, kamtæ emkaam ko yaki sarok kiwa bha tam yow lait nei chah ktah ha i bor ka rymaw. Da pynsñiaw u leh yei sñiawkmen yei rai ka MoRTH wow chna yaka sarok wa rah hajrong wa jrong 25 km ha Imphal. Da ong u leh wa emkaam yaka sarok Four-Lane ha Imphal-Loktak Highway, kawa da boon bha ki kari wa lai lyngba yong ka neidaw wa da man ko ka thaw wa pawnam wa kiwa uiñke suwari.
Kini ki sarok wa dang wai man ki kani ha wah:
