Shillong: Neidaw wa em kiwa yoh COVlD-19 kamjooh wa em kiwa em hei maa nei yoh COVID-19 wei da emkaam wow leh yei booddien (Contact Tracing), Testing, Quarantine yow yada ya ki paidbah, kamtæ ka District Magistrate ka East Khasi Hills da pybna ko ya kini ha wah kam ki Containment Area nadooh ka 19 tarik uni u bnai.
Ki thaw wa em nadooh Jhalupara Community Hall, Gopal Ji Compound hadooh Musa Compound deilang waka Maya Compound, Jhalupara.
Ki yung u Baldeep Singh, Maya Kaur wa Janki Kaur ha Plot-I Block A ka Sweeper Colony, Mawlonghat.
I yung u Pynhunlang Lyngdoh ha Lower Lummawrie wa House No. U/B-007, wa em hadien Victoria Landmark Guest House, Upper Nongrim Hills.
I yung u Nud Syiemiong, Pynthorbah Block-II.
Ha waroh kini ki thaw da khang ya ki bru wow psiah ki cha kini ki Containment Area katwa kitu kiwa em hapoh kini ki thaw toh u neh bait ki hapoh yung.
Da khang wow pynman ya kiwon kiwon ki yalang paidbah, u wai ya ki dukan, ki yung krehkaam sorkar kamjooh ki yong ki bru samen hadooh wa pynmih hukum da kamwi.
Ka hukum ym em khang ko ki wakreh ka chnat i chait i khiah, ki wakreh ka Shillong Municipal Board, ki Petrol Pump wa kiwa kit kum LPG.
Ya kiwa leh pyrchah daw pynchitom katkam ka aiñ Disaster Management Act, 2005 waka IPC.
