15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

COVID-19: Da tam 28 lak kiwa yoh, da kynjoh 70 hajar kiwa dang chah ktah ha ka chi sngi ha India

Ha kini ki 24 kynta itæ hadooh i step ka 20 tarik da pyntam ko ya waroh kiwi ki sngi ha India deiwa em 69,652 kiwa chah ktah ha u COVID-19 iwa man leh iwa boon dooh haka chi sngi hadooh kattæ iwa da pynpoi leh 28 lak kiwa da yoh, katkam i yukheiñ ka Ministry of Health & Family Welfare.

Na kini kiwa dang chah ktah, kiwa chait da em ki 58,794 ngut, kiwa yap da em sa 977 ngut katwa kiwa dang em ya uni u khñiang da ku da 9,881 ngut.

Advertisement ad1

Ki jylla wa bood dooh kiwa chait toh ha Maharashtra 9011 ngut, Andhra Pradesh 8061 ngut, Karnataka 7201 ngut, Tamil Nadu 6384 ngut, Uttar Pradesh 5620 ngut wa ha Bihar 4074 ngut.

Ki jylla wa boon i ku kiwa em ya u COVID-19 toh ha Maharashtra 3808 ngut, Andhra Pradesh 1595 ngut, Karnataka 1315 ngut wa ha Kerala 1,109 ngut.

Ki jylla wa boon i hiar kiwa dang em ya uni u khñiang toh ha Bihar 1146 ngut, Tamil Nadu 705 ngut wa ha Uttar Pradesh 597 ngut.

Kiwa da chait hapoh ka ri da poi ki 73.91% iwa ku naka 73.18% kiwa em 20,96,664 ngut, kiwa dang em ya uni u khñiang da em ki 24.20% iwa hiar naka 24.45% kiwa em waroh 6,86,395 ngut, kiwa yap da em ki 1.90% kiwa em 53,886 ngut. Waroh kiwa da dep yoh COVID-19 da em ki 28,36,925 ngut.

Kiwa chait da tam ki da 14,10,269 ngut ya kiwa dang em ya uni u khñiang iwa ku da 48,913 ngut nadooh ynnin ka sngi.

Share this:
Previous

Pynbna Containment Area ka sorkar ya ki yung ha ki soo tylli ki thaw ha Shillong

Next

Da pyndam yei pynman Containment Area ki ar thaw ha Shillong