Shillong: Hadien wa da pyndep yei booddien (Contact Tracing) ya kiwa em hei maa na u COVID-19 kamjooh wa da yoh yaki Test Report ha yung u Pynhunlang Lyngdoh, Lower Lummawrie wa i yung House No. U/B-007, iwa em hadien ka Victoria Landmark Guest House, Upper Nongrim Hills.
Ka District Magistrate, East Khasi Hills District da pynmih hukum ko wa da pyndam wow pynman Containment Area ya kini ki yung wa da kdaw haneiñ nadooh ka 19 tarik uni u bnai.
Ha kawi tawon ka hukum, ka District Magistrate, East Khasi Hills District da pyntip ko wa ka Allahbad Bank, Jeep Stand waka Meghalaya Co-operative Apex Bank, Jeep Stand da lait ki naka hukum Containment Order wa pynmih neibynta ka thaaiñ Motphran hadooh Bimola Point, na Motphran hadooh Stand Jeep wa ha MUDA Parking Lot (Upper Level) ha Garikhana kawa pynmih haka 18 tarik uni u bnai.
Kini ki Bank hap ki wow bood ya ki kyndon wa da booh daka chnat Health and Family Welfare ka sorkar Meghalaya.
