Yoh kem drug ka Assam Rifles na ki ar tylli ki kari ha Manipur

Ki chipai ka Assam Rifle hapoh ka HQ IGAR (South) da yoh kem drug ki ha MVCP Tengnoupal, Manipur ynnin ka 22 tarik ha ki artylli ki thaw.

Heipor kamwa 09:30 i step hawa dang sylli ya ki kari, ki chipai ka Tengnoupal Battalion da pynsangeh ki yaka kari Eeco Van wa em ya u Number ML02-G-0376 (i number thok) kawa lai cheiliang Imphal.

Hawa khynra ya kani ka kari da chem ya ki tiar wa yoo phær kiwa da murieh hapoh kani kari. Kamtæ da looid ya kani ka kari wei da chem ya kiwa suba toh i drug Brown Sugar ha ki 23 tylli ki tadong sabon wa chong dor T. 48 lak wa da murieh hapoh ka Bonnet kani ka kari.

Napoh kani ka kari da chem leh ya 152 tylli ki yusong dawai na Myanmar.

Related posts

10 snem phah kset ka yung bichaar ya u Gentlyness uwa slaitbor ya ka khynnah wa dang 7 snem

October 17, 2025

Yoh kem ki pulit ka East Jaiñtia ya uwa khayi drugs | Deiwa phla u yoh kem sa uwa na Shillong

October 15, 2025

Ya kani ka kari da yah da uwa tip pyrtuid kam u Letkhohao Haokip (35 snem), uwa naka chnong S Molcham, Churachandpur.

Ha iwi won i jia heipor 2 waje i sngi, ki chipai ka Tengnoupal Battalion da pynsangeh ki yaka kari  Maruti wa em ya u number WB20-Z-0716 kawa lai cha Imphal. Hawa khynra ya kani ka kari, da chem ya 18 tylli ki yusong wa suba toh i Brown Sugar wa chongdor T. 45.2 lak kiwa murieh hapoh Bonnet kani ka kari. Uwa yah ya kani ka kari da tip pyrtuid kam u Lamkam Baite (49 snem).

Ya kiwa chah kem da ekti cha ka Tengnopal Police Station yow leh yaka takit.