U symbood montri rangbah ka jylla u Prestone Tynsong da ong u wa ka sorkar ha ka Review Meeting wa da pynman ynne ka sngi da yaklam ki heiyatoh wa ki bor chnong bor thaw kiwa da booh ki yong ki hi ki kyndon (Protocol) heiyatoh wa i lai i wan na kawi ka District cha kawi hapoh ka jylla.
Da e nongmuna u deiwa ong wa lada em kiwa wan na East Khasi Hills yow liwan cha Jaiñtia Hills, ki bor chnong da pynbor ki ya kini wow leh ki yaka Quarantine wa 14 sngi, wei ya ini ym toh wow phah leh.
Kamtæ da kyrpaad u ya ki bor chnong wa ym toh wow khang ki yei lai na kawi ka District cha kawi neibhah kini ki bru toh kiwa da em chwa hapoh ka jylla wei wow burom yaki kyndon wa da pynmih daka sorkar dei wym pynthut yei lai i wan ki paidbah.
Da pynche u leh wa ini toh du ya ki bru wa da em chwa hapoh ka jylla wei ya kitu kiwa psiah na baar jylla, ki kyndon dang neh hi ki kamjooh hi.
Chooh chooh da ong u wa i yada nei poor ka klam toh chong ha i samen samen deiwa bood yaki kyndon Social Distancing, u deiñ ya ki Mask wei wow lehkhooid ya ki kti.
