Thung ka sorkar ya ka Iamonlang M Syiem kam ka Chairperson ka MCPCR

Shillong: Ka sorkar jylla ynne ka sngi da rai ko wow thung ya ka Iamonlang M Syiem kam ka Chairperson yong ka Meghalaya Commission for Protection of Child Rights, wei ini i thung yong ka sorkar ya ka Chairperson wa thymme toh hadien wa katai ka kaam da lait ko nadooh u Wisu (March) uni u snem.

U James PK Sangma da pyntip u wa nalor ka Chairperson, ka sorkar da mynjur ko leh ya ki 6 ngut ki dkhot ha ka Commission wa kynthup ya ka Shanon Donna Massar, Yorica Shylla, Flabina P Marak, u M K Marak, Tiana T D Areng wa Dr. Evamon Laloo.

U James da pyntip u wa ka sorkar ynne ka sngi da mynjur ko leh ya i pyrtuid yong u PS Thangkhiew (IAS Retired) wow man kam u Chairman wa thymme ka Meghalaya State Food Commission.

Chooh chooh da pyntip wa ka sorkar ynne ka sngi ha ka yalang ki Montri da rai leh wow thung noh ya u PS Kharkongor kam u Chief Technical Adviser ha ka chnat bordiñ.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Katkam wa pyntip u James, ka sorkar ynne ka sngi da rai ko leh wow pyndap ya ki kaam wa lait kam ki Engineer ha ka chnat Water Resources kiwa em 18 tylli. Ynne ka sngi, ka sorkar da rai ko leh wow em noh ka Draft Meghalaya Taxation Service Rules.