15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Ka sorkar jylla ym ye kow wow pynbna yaka Motphran wa Police Bazaar kam ki thaw wym hoi u chongdai madan: MGSPHSVA

Advertisement ad1
Advertisement ad1

Ka seiñ kiwa chongdai madan ka Meghalaya & Greater Shillong Progressive Hawkers and Street Vending Association (MGSPHSVA), da sñiawphylla ko chiboon hajrong i klam u Prestone Tynsong, Symbood Montri Rangbah ka jylla hajrong i kaam wa yatoh wa kiwa chongdai madan, heiwa da ong wa ka sorkar daw pynbna ko yaka Motphran wa Police Bazaar kam ki ‘No Vending Zone’ næ ki thaw kiwa ym hoi u chongdai madan.

Ka seiñ da ong ko wa ini i klam u Montri man ko pyrchah yaka aiñ wei i wym ye wow pdiang wei ka seiñ kiwa chongdai madan da beiñ deiwa pynche yurim da ki nia wa ka aiñ kamni ha wah:

Ym em kiwon kiwon kiwa ye u pynbna ya ki thaw wa ye namo kiwa ym ye u chongdai madan, lait noh du ka Town Vending Committee (TVC) kawa da chna katkam ka aiñ wei kawa em ya kiwa mihkhmat wa da jied na waroh arliang. Katkam ka aiñ, 40% ki dkhot yong ka TVC toh u man ki kiwa chongdai madan sakhiat kiwa im wei kamai ja-kpoh du na i kaam dai madan.

Nalor ini, katkam ka aiñ, ki yaw kiwa da rim kam ka Iewduh wa ka Police Bazaar ym ye de wow pynbna ya ki kam ki thaw wym chah u chongdai madan. Ka Iewduh wa Police Bazaar toh ki yaw kiwa da rim dooh ha ka jylla kiwa da kynjoh palat 100 snem wei ym ye wow pynbna ya ki kam ki thaw wym hoi u chongdai madan iwa ym chah leh da ka aiñ.

Ka seiñ kiwa chongdai madan da kwah ki wow pynkynmoo ya ka sorkar wa ka aiñ kawa pait wei pynlai ya kiwa chongdai madan toh ka The Street Vendors (Protection of Livelihood and Regulation) Act 2014 wa ki Rule kiwa da chna katkam kani ka aiñ. Neitæ i daw kiwon kiwon ki kaam kiwa ka sorkar leh kiwa cha lait kani ka aiñ man ko pyrchah yaka aiñ.

Khaddooh, ka MGSPHSVA da chim ko ya ka rai wym pyndem ha i klam wa i leh pyrchah aiñ yong ki bor chnat krehkaam ka sorkar. Ka seiñ yieñ skem ko hajrong ka yurim yong ka aiñ wei da raikut wow yakhun hadooh wa kut. Ka seiñ smat ko wow pdiang du ya i pynbait kiwa kam katkam ka aiñ wei ngait skem wa ka sorkar daw chimkhia ko ya ini i kaam wei wow pynbait ya waroh ki kaam yong kiwa chongdai madan deilang wa ki kyndon wow yada na ka khlam COVID-19.

Share this:
Previous

Thung ka sorkar ya ka Iamonlang M Syiem kam ka Chairperson ka MCPCR

Next

Pyrchah ka HYC wow pteiñ i thung kreh ya u Prof. Srivastava ha NEHU