Ka chnat Health & Family Welfare Department ka sorkar Meghalaya, ynne ka sngi da pynmih kyndon ko heiyatoh wow chah noh u wai ki dukan dai baam kiwa em harood ki sarok-bah namo ki National Highway kiwa em hapoh ka jylla.
Kini ki kyndon toh yow kdoh u khoom yei poor ka khlam COVID-19 hapoh ka jylla wei kini ki kyndon ym toh neibynta ki thaw wa da pynbna kam ki Containment Zone.
Waroh kini ki jait dukan toh u booh ki yaka kot namo ka Log Book yow thoh chaphang kitu kiwa psiah hapoh i dukan, hap ki wow bood yaka Social Distancing deiwa yajnai ym duna 6 Feet uwi na uwi, ym toh wow yaklam hawa baam.
Hap leh wow pynemkaam yaki Mask khamtam manda yaklam uwi ya uwi.
U sait yaki kti kamwa 40-60 Second hanla ki kti ym em tngit ki. U pynemkaam ya ki Alcohol-Based Hand Sanitizers ym duna 20 Second.
U tymmoh yei ktien hawa ka’oh wa synrieh. Ym toh leh wow mynthu ha ki thaw paidbah.
Ha ki thaw psiah toh u booh yaki thaw siatkti lane ki Sanitizer. Du ki wakreh kamjooh ki bru kiwa chait toh u chah wow psiah chapoh wei hap leh wow sap Mask ha waroh i por.
Toh u booh leh ki Poster lane kiwon kiwon ki laad e yutip chaphang ki laad yada na u COVID-19.
Toh u chah leh du kattu katni ngut kiwa hoi u psiah chapoh deiwa em leh ki bru ki wow pyntikna wa bood yaka Social Distancing.
Ki bru wa chah u chong toh u man ko 50% na iwa hoi u chong.
Ya waroh ka hukum ye phi wow yoh heini.
